TIRANE
Detaje të reja zbulohen pas ngjarjes së rendë të ndodhur mëngjesin e sotëm në liqenin e Sharrës në Tiranë, teksa Lirie Xhepa rreth 49 vjeç është gjetur e dhunuar dhe me 3 plumba në trup.
Burime për “BalkanWeb” bën me dije se i dyshuar për vrasjen është kunati i 49-vjeçares, Dashamir Xhepa i cili është shpallur në kërkim policor (në foto).
(Kunati i shpallur në kërkim)
Gjatë kontrollit në banesë, policia nuk e ka gjetur aty kunatin e viktimës. Policia po heton në disa pista, ku nuk përjashtohet edhe një lidhje intime mes viktimës dhe kunatit të saj që dyshohet se ka kryer vrasjen.
49-vjeçarja ishte larguar nga banesa që në mbrëmje pa lenë adresë. Pasi nuk erdhi as ne mëngjes, djemtë e saj shkuan në komisariatin nr.6 për të denoncuar zhdukjen dhe aty morën edhe lajmin se nena e tyre ishte ekzekutuar.
(Banesa e viktimës)
Trupi i viktimës është gjetur përmbys dhe e veshur lehtë, jo me xhup. Mësohet se gruaja ishte e martuar dhe banonte pranë zonës ku u gjet e vrarë dhe e hedhur në ferra. Banorët thonë se kanë parë njerëz me makinë në këtë zonë.
(Viktima)
Do duhen analiza të posaçme për të përcaktuar orën e vdekjes por sipas informacioneve të grupit hetimor, gruaja është vrarë brenda 24 orëve të fundit.
(d.d/BalkanWeb)