Pas shtimit të infektimeve në Kinë, SHBA po shqyrton vendosjen e kufizimeve të reja Covid-19 për të ardhurit kinezë, pasi Pekini njoftoi se do të rihapë kufijtë e tij muajin e ardhshëm .
Zyrtarët amerikanë bëjnë me dije se kjo vjen për shkak të mungesës së transparencës mbi virusin nga qeveria kineze, pasi dhe rastet e infektimeve janë në rritje.
Vendet fqinjë të Kinës, si Japonia, Malajzia dhe Tajvani , janë të shqetësuara për importimin e rasteve Covid-19, duke vendosur masa të rrepta për udhëtarët kinezë, përfshirë dhe ata që rezultojnë negativë në testet e kryera. India po ashtu po rrit masat për udhëtarët që vijnë nga Kina.
Autoritetet e imigracionit të Kinës, kanë thënë se aplikimet për pasaporta për qytetarët kinezë që dëshirojnë të udhëtojnë ndërkombëtarisht do të rifillojnë nga 8 janari.
Linjat e fluturimeve kanë raportuar një rritje të trafikut, duke frikësuar kështu disa vende për përhapjen e mundshme të Covid-19.
“Ka shqetësime në rritje në komunitetin ndërkombëtar për rritjet e vazhdueshme të Covid-19 në Kinë dhe mungesën e të dhënave transparente, duke përfshirë të dhënat e sekuencës gjenomike virale,” kanë thënë zyrtarët amerikanë në një deklaratë për media.
Zëdhënësi i ministrit të Jashtëm të Kinës, Wang Wenbin ka akuzuar vendet dhe mediat perëndimore për një “shtrembërim të politikës Covid-19 në Kinë”.
Ai tha se Kina besonte se përgjigjet e të gjitha vendeve ndaj Covid-it duhet të jenë “të bazuara në shkencë dhe proporcionale” dhe “nuk duhet të ndikojnë në shkëmbimin normal njerëz-me-njerëz”.
(BalkanWeb)