Vdes në moshën 31 vjeçare sipërmarrësi britanik dhe ylli i Youtube, Jamal Edwards.

Ai ishte themeluesi i SBTV, një platformë muzikore urbane në internet e cila ndihmoi në nisjen e karrierës së artistëve si Dave, Ed Sheeran dhe Skepta.

AJ Tracey ishte një nga të parët që shprehu ngushëllime për Edwards.

Edwards, i lindur në Luton, u emërua MBE për shërbimet në muzikë në vitin 2014.

Një figurë pioniere në muzikën rep, ai u bë gjithashtu një ambasador i Prince’s Trust, një shoqatë bamirësie për të rinjtë e drejtuar nga Princi i Uellsit, që ndihmon të rinjtë të krijojnë kompanitë e tyre.

Ai mori pjesë në Brit Awards në fillim të këtij muaji dhe u kuptua se kishte performuar si DJ në një koncert në veri të Londrës të shtunën mbrëma.

Në vitin 2011, ai u shfaq në një reklamë për Google Chrome. Emri i tij u kërkua më shumë se një milion herë.

Nuk janë dhënë detaje për vdekjen e tij, përveçse ka ndodhur mëngjesin e së dielës.