Me statusin e kampionit në fuqi dhe me një ekip të mbushur me yje, ndaj Liverpool kishin rëndësi vetëm 3 pikët, në fund Napoli festoi një mbrëmje të çmendur, festoi për këtë 3-pikësh që i jep një bonus të madh në fazën e grupeve: “Duhet të zhvillonim një ndeshje me sakrificë, pa humbur. Ndeshja ishte gjithnjë në ekuilibër, më pëlqeu loja e pisët që zhvilloi skuadra, mbi të gjitha në fund, ku u mbrojtëm mirë dhe shfrytëzuam mundësitë që na u krijuan”.



C.Ancelotti ia faturon ekipit këtë sukses: “Ishte një fitore e skuadrës e cila dëshiron të rritet, që beson dhe ka cilësi. Duhet të bëjmë gjithçka edhe të luajmë me topa të gjatë si bëmë në fund”. Ancelotti e mbyll me një batutë duke treguar se çfarë i tha Klopp-it në fund: “I thashë të rri i qetë pasi nëse humbet këtu në fund fiton Champions League”.


Në të njëjtën linjë me Ancelottin ishte dhe Jurgen Klopp: “Ishte një ndeshje e ekuilibruar por në tërësi e dominuan kundërshtarin. Napoli kishte vështirësi për tu mbrojtur por ne nuk arritëm të konkretizonim rastet e krijuara. Penalltia? Qartësisht nuk ishte penallti. Kërceu përpara se të kishte kontakt por fatkeqësisht nuk mund ta ndryshojmë. Nuk na mbetet gjë tjetër vetëm të pranojmë humbjen”, theksoi Klopp.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb