VLORË
E gjithë zona është mbuluar nga tymi, teksa forcat zjarrfikëse po vijojnë ende të punojnë për shuarjen e flakëve në Radhimë. Në pamjet e siguruara nga gazetari Enrik Mehmeti për “BalkanWeb” shihet se pushuesit janë në panik dhe disa prej tyre zënë hundët me peshqirë e rroba për të evituar thithjen e tymit.
Ndërkohë zjarrfikësit kanë arritur të vënë nën kontroll flakët që po përhapeshin në të gjithë kodrën, teksa zjarri ka shkrumbuar disa dhjetëra pemë ullinj dhe një banesë të pabanuar.