Pamjet që shihni tregojnë momentin kur dy qytetarë, sulmojnë me vezë kreun e PBDNJ-së, Vangjel Dulen me vezë, teksa ai hyn në GJKKO.
Ky i fundit shkoi në GJKKO për të ndjekur nga afër gjyqin e Belerit. Sakaq, pasi e qëlluan me vezë, dy personat në fjalë shpërthejnë në akuza, ndërsa thanë se; “Si këlyshët e Serbisë do të ikni. Edhe ti do ta hash supën!”.
Një prej vezëve preku nga pas xhakete Dulen, i cili pasi ktheu kokën për të parë se çfarë ndodhi, u fut pa thënë asgjë në ambientet e GJKKO.
Sot GJKKO do të shqyrtojë ankimin e Belerit për të pranuar lejen për t’u betuar si kryebashkiak. Për më tepër shihni videot.
(BalkanWeb)