TIRANË

Ka nisur në Tiranë protesta e pestë për vrasjen e Klodian Rashës nga policia. Ashtu siç ishte paralajmëruar, protesta ka nisur te sheshi ”Skënderebej”, ku shihet se janë mbledhur me dhjetëra qytetarë, të cilët do të marshojnë drejt Drejtorisë së Përgjithshme të Policisë së Shtetit.

Gazetari Osman Stafa raporton për BalkanWeb se kanë nisur lëvizjet e para të protestuesve të cilat pak nga pak po grumbullohen, teksa nuk mungon mobilizimi i Policisë pasi ka efektivë në qendër të Tiranës të cilët po kryejnë kontrolle të të rinjve.

Katër protestat e mëparshme janë shoqëruar me dhunë, djegie e përplasje dhe Policia ka marrë masat sërish me 900 efektivë në terren për të mbrojtur institucionet kryesore.

(BalkanWeb)

• Marshim paqësor në ditën e 5-të të protestës për Klodian Rashën, qytetarët largohen nga Kryeministria për tek Drejtoria e Policisë Tiranë