Një bombol gazi ka shpërthyer mbrëmjen e sotme në mensën e Universiteti ‘Epoka’.
Siç shihet edhe nga pamjet shpërthimi ka shkaktuar dëme të mëdha, ku duket se e gjithë mensa është e shkatërruar.
Mësohet se nga shpërthimi nuk ka njerëz të lënduar.
Sipas informacioneve paraprake, dyshohet se shkak i shpërthimit është bërë rrjedhja e gazit.
Sakaq vijon puna nga grupi hetimor për zbardhjen e rrethanave të ngjarjes dhe përcaktimin e shkakut të shpërthimit.
Tiranë/ Informacion paraprak
Me datë 09.12.2021, rreth orës 20:35, në rrugën e “Rinasit”, ka ndodhur një shpërthim në një godinë të një subjekti privat, konkretisht në kuzhinën e mencës, ku ka vetëm dëme materiale.
Paraprakisht dyshohet se ka shpërthyer një bombul gazi si pasojë e rrjedhjes së gazit.
Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të shpërthimit.
(BalkanWeb)
