Të paktën 49 ushtarë armenë u vranë në përleshjet me Azerbajxhanin. Kështu ka thënë kryeministri armen, Nikol Pashinian.

Kryeministri armen zhvilloi bisedime me presidentin rus Vladimir Putin, homologun e tij francez Emmanuel Macron dhe sekretarin amerikan të shtetit Antony Blinken për t’u kërkuar atyre që të reagojnë ndaj “agresionit” të Azerbajxhanit, tha Yerevan të martën.

Kjo u bë e ditur nga qeveria armene. Në bisedime të veçanta, Pashinian tha se shpresonte për “një përgjigje të përshtatshme nga komuniteti ndërkombëtar” në dritën e përleshjeve të vazhdueshme në kufirin midis Armenisë dhe Azerbajxhanit.

(Ansa/BalkanWeb)