Komedia franceze “The Second Act” do të hapë Festivalin e 77-të të Filmit në Kanë të këtij viti, bënë me dije organizatorët e festivalit. Filmi, titulli origjinal në frëngjisht i të cilit është “Le Deuxieme Acte”, është një film komedi udhëtimi me regji nga Quentin Dupieux. Në film luajnë yjet hollivudianë si Lea Seydoux, Vincent Lindon dhe Louis Garrel.

I paraqitur jashtë konkurrencës si një premierë botërore në Croisette të martën e 14 majit, filmi me 4 pjesë do të shfaqet në kinematë franceze në të njëjtën ditë.

Në konfirmimin e përzgjedhjes së filmit në Kanë, festivali e përshkroi Quentin si një “regjisor që përqafon larminë, në ton, formë dhe subjekt” dhe një regjisor i cili e ka çliruar veten nga konvencioni përmes një numri tashmë të gjerë pune me 13 filma artistikë në 17 vjet, duke vendosur absurdin si një zhanër më vete dhe duke tronditur të gjithë të tjerët, për të cilin “Second Act” është një rast i përsosur në këtë pike.”

Festivali i Filmit në Kanë i këtij viti do të zgjasë nga 14 deri më 25 maj.