Analisti Arjan Vasjari në emisionin ‘’Real Story’’ të Sokol Ballës në News24 ka komentuar rolin që ka tani Blendi Cuçi si ministër i brendshëm në zgjedhjet e 25 prillit.
Sipas Vasjarit, Çuçi nuk do të drejtojë realisht pasi ka dikë sipër tij. Për Vasjarin me këtë hierarki detyra e Çuçit është mos bëjë asgjë dhe këtë mund të bëjë më mirë.
Analisti thekson se 25 prillit do të jetë momenti me delikat në 2 dekadat e fundit për shkak të shumë dinamikave.
‘’Është moment delikati, më delikati në këto 2 dekadat e fundit. Për shkak të shumë dinamikave. Cilido do ishte në vend të Çuçit, vijoj të mendoj se është e kotë, pa sens, mund të drejtojmë kritika ndaj ministrit të brendshëm, policisë, ata gjithmonë janë pasoja, shkaku është ai më sipër, nga manifestohet fryma, pushteti.
Nëse ministri i brendshëm nuk reflekton frymën nga sipër, atëhere do flakesh, siç u flak Lleshaj. Nuk e di nëse Lleshaj është ndikuar nga alternativa që do ndikonte në zgjedhje, nuk e di, nuk e them se është cinike.
Ne s’duhet të merremi me ministrinë e brendshme, por me atë që realisht do e drejtojë. Nuk e drejton Çuçi, apo Ekonomi, apo Lleshaj. Nëse Policia synon, tenton, shkon të vjedhë kutitë e votimit.
Unë çfarë do thosha për Çuçin, ka për detyrë mos bëjë asnjë gjë, sepse do i bëjë ai tjetri.’’- tha Vasjari.
(BalkanWeb)
