Policia e Fierit ka finalizuar operacionin e koduar “Zhupani”, duke sekuestruar 3 kilogramë lëndë narkotike.
Sipas policisë, poseduesi dhe shpërndarësi i drogës është shtetasi B. S., 28 vjeç, banues në Zhupan, Fier.
Njoftimi i policisë:
Fier
Finalizohet operacioni antidrogë i koduar “Zhupani”, për goditjen e veprimtarisë kriminale në fushën e prodhimit dhe shitjes së lëndëve narkotike.
Operacioni nga Seksioni për Hetimin e Narkotikëve në DVP Fier.
Sekuestrohen 3 kg cannabis sativa të bëra gati për shitje.
Arrestohet në flagrancë poseduesi i lëndës narkotike.
Në vijim të punës për parandalimin dhe goditjen e paligjshmërisë në fushën e narkotikëve, specialistët për Hetimin e Narkotikëve në DVP Fier, në bazë të informacioneve të siguruara në rrugë operative dhe falë veprimeve të shpejta operacionale, organizuan dhe finalizuan operacionin antidrogë të koduar “Zhupani”, gjatë të cilit u bë kapja dhe arrestimi në flagrancë i shtetasit:
- S., 28 vjeç, banues në Zhupan, Fier.
Gjatë kontrollit në banesën e këtij shtetasi u gjetën dhe u sekuestruan në cilësinë e provës materiale 3 kg lëndë narkotike cannabis sativa të bëra gati për shitje.
Materialet i kaluan Prokurorisë pranë Gjykatës së Shkallës së Parë Fier, për veprën penale “Prodhimi dhe shitja e narkotikëve”.
(d.xh/ Balkanweb)
