Kishte dyshime të forta, por tashmë është zyrtare: Didier Deschamps do të qëndrojë në krye Francës deri në 2026.

Për të bërë publik këtë vendim ka menduar vetë Federata Franceze e cila me anë të një njoftimi ka zyrtarizuar zgjatjen e bashkëpunimit me “gjeneralin e vogël”.

Federata Franceze ka plotësuar në këtë mënyrë kushtin e Deschamps, pasi ishte dëshira e këtij të fundit që të firmoste një kontratë deri në 2026.

Deschamps erdhi në krye të Francës në 2012 ndërsa për momentin ishte pa kontratë pasi aktualja i përfundonte menjëherë pas Botërorit të Katar. Dorëzohet në këtë pikë edhe Zidane, i cili prej afro 2 vitesh priste t’i merrte vendin.

(BalkanWeb)