Do të jetë “Air Albania Stadium” teatri i madh i ndeshjes më të rëndësishme të kampionatit shqiptar, derbit mes Partizanit dhe Tiranës, që sheh të kuqtë të rikthehen tek ish-”Qemal Stafa”, i cili ka qenë historikisht shtëpia e tyre.


Kampionët në fuqi kanë publikuar agjendën e derbit ndaj Tiranës, i cili do të luhet ditën e premte në orën 19:00.


Të kuqtë kanë vijuar negociatat deri në çastet e fundit me Federatën Shqiptare të Futbollit, ndaj dhe zyrtarizimi ka ardhur ditën e sotme, teksa koha e mbetur për organizimin e çdo detaji nuk është në favor, pasi derbi është vetëm 72 orë larg.


Derbi Air
Derbi Air

Priten detajet e tjera organizative me Partizanin që do të publikojë çmimin e biletave dhe ndarjen e tribunave të tifozëve.

Kështu, java e 15-të e Kategorisë Superiore, do të nisë me një “main-event”, siç është derbi i kryeqytetit, që do të luhet në impiantin më modern në vend gati një muaj pas ndeshjes së tij të parë, Shqipëri-Francë.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb