Liga e “Seria A” ka marrë vendimin për të shtyrë dy ndeshje të programuara për të zhvilluar të dielën si pasojë e shembjes së urës Morandi në qytetin e Genovas, ku 38 persona humbën jetën ndërsa 15 mbetën të plagosur. Ndërkohë 10 janë të zhdukur.

Liga njoftoi se ka shtyrë Sampdoria-Fiorentina dhe Milan-Genoa, pas kërkesës së dy skuadrave të qytetit ku ndodhi tragjedia.

Njoftimi- Deklarata zyrtare: “Presidenti i Lega Seria A pas shqyrtimit të kërkesave për referime të ndeshjeve të tyre, të planifikuara për të dielën më 19 gusht në orën 20:30, të Genoa-s dhe Sampdoria-s, si pasojë e tragjedisë që ka ndodhur në qytetin e Genoa-s në përputhje edhe me miratimin e Fiorentinës dhe Milanit, ka shtyrë për një datë të mëvonshme të dy takimet.

Përcaktimi i datave të ndeshjeve do të njoftohet në ditët e ardhshme, në përputhje me rregulloren në fuqi.”

(BalkanWeb)