TIRANË- Ish-kryeministi Sali Berisha i cilësuar edhe si lideri historik i së djathtës tregon sot për herë të parë në studion e emisionit “Studio e hapur” të Eni Vasilit në News 24 rrugëtim e protestës së opozitës, rolin e tij në këtë protestë dhe pse sipas tij, u keqkuptua ftesa e tij për qeveri teknike ndaj kreut të LSI-së, Ilir Meta.

Duke këshilluar kryetarin Lulzim Basha, ish-kryeministri është shprehur se ai duhet të hyjë me çdo kusht në zgjedhje, pasi bojkoti i tyre do ishte si një vetëvrasje. “Sipas meje opozita me çdo kusht duhet të hyjë në zgjedhje, duhet të garantojë votën e lirë. Vullnetit të qytetarëve, të misionarëve, nuk i reziston dot njeri”,- u shpreh ai.

Por më tej, Berisha e sqaroi pozicionin e tij për hyrjen në zgjedhje, duke shtuar se një gjë e tillë do ndodhte pasi të largonin Edi Ramën.

Ndonëse pranoi që një qeveri nuk mund të dorëhiqt me këngë e valle, Berisha tha se para Kryeministrisë “po fermentohet dhe po gatuhet shpresa”, ndërsa shtoi se një revolucion ka fazat e veta, duke e krahasuar protestën me lëvizjet e vitit 1991.

INTERVISTA
Opozita paralajmëroi një stinë protestash, tani janë në shesh, një bashkudhëheqës i kësaj proteste është dhe zoti Berisha. Keni treguar Entuziazëm sa herë hyni në tendë…
Berisha: Mbështetës i tyre, jo bashkudhëheqës. Njeriu që e thirri protestën dhe që e inicioi është Lulzim Basha.

Ilir Meta dhe Edi Rama janë duke darkuar në këto momente, çfarë komenti keni?
Berisha: Iu bëftë mirë si darka e fundit e qeverisjes së tyre, populli ka nevojë tjetër, që ata të ikin.

Sulo: Keni një skenë që t’i varni shpresat e protestës tek LSI?
Berisha: Absolutisht jo. Ftesa ime për Metën është keqkuptuar nga mediat, pasi ishte për të gjithë edhe për Edi Ramën. Janë dy pushtete që i qëndrojnë karshi njëri-tjetrit. Po ju them se ajo masë atë ditë në protestë ishte gati t’i përvishej Edi Ramës, por nuk ishte ai projekti.

Kur thoni t’i përvishemi, çfarë nënkuptoni?
Berisha: A patë njeri të dhunshëm ju aty? Po them që energjia e asaj mase është nukleare, bëhet e papërmbajtshme.

Sulo: Nuk mund ta krahasojmë me 26 vite më parë…
Berisha: Kjo qeveri është shndërruar në organizatë kriminale, sundojnë bandat. Kryeministri i Shqipërisë është i lidhur me 1 mijë fije me bandat më të rrezikshme.

Sulo: Ju keni akuzuar Olsi Ramën?
Berisha: Një qeveri e cila degradon shkelmon legjitimitetin e saj me bandat dhe krimin ka bërë vetëvrasje politike, dhe duhet të ikë një sahat e më parë. Vëllai i tij kalon kufirin me makinën e drogës të grupit të Xibrakës, kam dokumentin e TIMS. Makinë e përshtatur për të fshehur kokainën.

Eni Vasili: A e ka drejtësia këtë provë? A e ka Llalla?
Berisha: Se çfarë ka Llalla në dosje unë nuk e di. Unë e kam në dosjen time nga denoncuesi dixhital. Po Ramën, a nuk e fotografuan me Frrokun, një ditë para se të ikte. Edhe i kërkuan vendit tjetër liroje. Po a e dini kur i kërkohet një shteti tjetër të lirojë një person, vetëm kur është në mision sekret.

Rakipllari: A do të ketë zgjedhje?
Berisha: Po s’i mund të ketë zgjedhje. Ai i liroi bandat, e kriminelët. Ku është hakmarrja për drejtësi sot. I liroi, bëri një marrëveshje me ta. Tani do lirohet Aldo Bare. Mbas tij do lirohet Zani Çaushi.

Rakipllari: Ju Ramën e keni kundërshtar që prej kohës kur konkurroi në krye të bashkisë së Tiranës, dhe këto akuza i keni bërë gjithë kohës. E megjithatë shqiptarët e kanë votuar. Ka fituar edhe zgjedhjet e 2013. Si e komentoni këtë?
Berisha: Me Besnik Mustafain i vodhi zgjedhjet. Me Spartak Ngjelën i vodhi. Mua nuk më kanë akuzuar kurrë për lidhje me krimin, e s’do mund të më akuzojnë kurrë. I kam shtypur gjithmonë kokën, dhe nuk ndryshoj qëndrimin. Lidhjet e Ramës janë të njohura ndërkombëtarisht. Unë e dija mirë se çfarë mendonte Brukseli për Ramën. Ai duhet të tregonte nëse do t’i shkëpuste lidhjet me krimin apo do t’i vazhdonte ato. Por zotëria vazhdoi t’i afrojë.

Eni Vasili: Kur ju ishit në qeverisje deputetët socialistë bënë një grevë pranë kryeministrisë. Por nuk pati reagim nga ana juaj…
Berisha: U shtrinë në një grevë në të cilin kishin një synim, t’u bllokonin vizat shqiptarëve.

Rakipllari: Ndërsa sot u akuzojnë juve se po bllokoni vettingun…
Berisha: Harruat ju xhiron e Ramës, hap kutitë që të zhbllokoj vizat. Ai ishte një krim ndaj çdo shqiptari. Por ne jemi njerëz me memorie të shkurtër. Një komb tjetër nuk do ta votonte kurrë një gjë të tillë. Por ne jemi popull të zgjuar por dritëshkurtër. Edhe unë jam shqiptar, jam një prej tyre.

Rakipllari: Cili është roli juaj në këtë protestë? Pse nuk riktheheni në krye të PD?
Berisha: Largimi im është pakthim në çdo lloj situatë. Unë kurrë nuk i kam lëvizur vendimet e mia. Që të gjithë sot, shumica dërrmuese e shqiptarëve e kanë të qartë se Lulzim Basha është udhëheqësi i PD dhe opozitës shqiptare. Përpjekjet e propagandës shqiptare për ta paraqitur si biarki synoi dëmtimin e opozitës. Por shqiptarët e dinë mirë këtë, dhe në krye të këtij revolucioni është Basha.

Sulo: Blushi e etiketoi atë si çadra e Berishës?
Berisha: Blushi është i lirë të bëjë çdo lloj zgjedhje. Kaq mund t’i them unë. Etiketimet e Blushit si publicist është ok, si politikan në krye të një partie është në hapat e parë. E vlerësoj atë si publicist.

Sulo: Prezenca juaj në çadër është e madhe, dhe kjo ka rënë në sy…
Berisha: Prani ime në çadër nuk është e madhe. Duhet të kisha qëndruar më shumë me ta, të kalojë ndonjë natë aty, por nuk kam mundur për arsye të ndryshme. Dhe më vjen keq që nuk kam mundur ta bëj këtë. Por ata po firmosin historinë, fitoren e revolucionit demokratik, të çmontimit të sistemit të banditokracisë, dhe vendosjen e sistemit të vlerave.

Sulo:13 ditë ndajnë nga Vettingu, pikë e rëndësishme ngritja e komisioneve…

Berisha:PD i dha përgjigje përfundimtare mbrëmë këtij problemi. Përgjigja është opozita u përjashtua nga Vettingu. Në një vend të civilizuar qëndrohet mbi marrëveshje. Me 21 korrik kur çështja e reformës shkoi në lartësitë më të mëdha të botës, deri tek Angela Merkel, çfarë iu tha shqiptarëve: Kompromisi u arrit, dhe do ketë marrëveshje ndërkombëtare siç kërkoi Komisioni Europian dhe ne i pranuam, dhe 7 ligjet do miratohen me konsensus. Akti i parë që bëri Rama dhe Meta, shkelmuan marrëveshjen dhe përjashtuan opozitën. Përgjigjesinë absolute e kanë ata që përjashtuan opozitën, me qëllimin që t’i japin Edi Ramës drejtësinë në kthetrat e tij. Por opozita do të mbrojë drejtësinë e korruptuar të një kryeministri legen, që ka vendosur dy guvernatorë që drejtojnë vendin. Kurrë nuk mund të ketë mandat nga Presidenti i SHBA-së Lu-ja që të kërkojë ndërprerjen e hetimit. Ka pasur duel me prokurorin. Ambasdori deklaroi ndalimin me vizë. Këtu jam dakort. Ai akuzoi prokurorin se ka bllokuar reformën, por pengesën kryesore e ka sjellë Rama. Nuk di se si një prokuror të bllokojë reformën, se ai nuk ka inisiativë legjislative.

Rakipllari: Të ishit ju çfarë do bënit me këta ambasadorë?
Berisha: Kur kam qenë nuk ka ndodhur kjo që po ndodh sot dhe s’mund të ndodhte. Transparenca është për të gjithë. Zonja që kur erdhi dihej që ishte lidhje e ngushtë e kësaj qeverie.

Rakipllari: Nga cila anë?
Sorosi, që një nga mafiozët me lidhje më të rrezikshme në Ballkan. Edhe reforma është e tëra në funksion, kryekëput të këtyre lidhjeve.

Eni Vasili: Kur thoni lidhje e ngushtë me qeverinë ma shpjegoni?
Berisha: E keni dëgjuar ndonjëherë fjalën kanabis nga kjo ambasadore? Kjo e ka treguar veten totalisht të njëanshme.

Rakipllari: A nuk është pak ironike se thatë është revolucion demokratik për ndryshim sistemi… Ju në 90 kishit në krah ambasadorin amerikan sot e keni kundër?
Berisha: Nuk besoj se e kam kundër. Axhendë të tmerrshme me qeverinë ka Vlahutin, ambasadori amerikan ka mbajtur qëndrime të mira në shumë raste, por akuzuat e prokurorit duhet të saktësohen. Vilë në këtë vend me mbi 4 mijë metra katrorë nuk ekziston në Shqipëri. Nëse duan të thonë se kur abuzojmë ne nuk është shpërdorim, vetëm kur e bëjnë shqiptarët është abuzim i bëj thirrje të hetohet kjo aferë me transparencë.

Si i komentoni qëndrimet e ambasadorëve?
Berisha: Ka patur njëherë një tendencë përveç asaj. Është thirrur ambasadori Lu në prani të eprorit të tij, dhe i është thënë mos guxo më të bësh një veprim të tillë. Sepse shtetet e tjera nuk pranojnë ca gjëra. Janë këtu për të ndërtuar ligjin dhe shtetin ligjor. Kurse Zonja Vlahutin është e njohur universalisht si një mbështetëse pa kushte e qeverisë shqiptare. Dhe këtë e kam denoncuar në mënyrë të vazhdueshme publikisht. Por i kam denoncuar edhe privatisht tek miqtë e mi. Sa ulet të flasë, fillon të kundërshtojë opozitën.

A do të hyjë opozita në zgjedhje?
Berisha: Sipas meje opozita me çdo kusht duhet të hyjë në zgjedhje, duhet të garantojë votën e lirë. Vullnetit të qytetarëve, të misionarëve, nuk i reziston dot njeri. Qytetarët në aksion janë absolutisht të pathyeshëm.

Unë i them Ramës: Përpiqu të kuptosh situatën, sepse je njeriu që në 4 vite të rëndojnë mbi kurriz si damkë e zezë 40 mashtrime të programit elektoral. Ka vetëm një premtim të mbajtur, dhe ky është heqja e TVSh të ilaçeve. Por edhe pse është hequr TVSh ilaçet janë edhe sot të shtrenjta. Por premtimet e tjera të mbajtura janë zero. Një njeri që ka ndërgjegje largohet, sepse nuk mbajti dot ato që premtoi. Është hera e parë që Shqipëria quhet Kolumbi e Europës, nën drejtimin e Ramës. Kurrë Shqipëria nuk është quajtur banditistan.

Sulo: Sa i takon kërkesës për qeverisë teknike a mendoni se krijoni një precedent që disa muaj para zgjedhjeve, çdo parti të kërkojë qeveri teknike?
Berisha: Situata ju garantoj se situata me mediat, por të heqësh portale, është e njëjtë me vitet para pluralizmit në Shqipëri.

Vasili: Me këngë e valle nuk jep dorëheqje një qeveri?
Berisha: Sigurisht që nuk ikën. Ky revolucion ka fazat e veta, kështu e kemi bërë edhe në 91’, ka fazat e veta. Do ketë shpalosje

Rakipllari: Në 91’ qytetarët nuk vinin me autobusë nga rrethet

Berisha qesh

Rakipllari: Basha ka deklaruar që nuk hyn në zgjedhje…
Berisha: Pak a shumë e njëjta gjë është…vendosmëria për të rikthyer votën e lirë është absolute. Edhe unë mendoj që me Edi Ramën zgjedhje nuk mund të ketë. PD me Edi Ramën nuk do ketë zgjedhje. Do futemi në zgjedhje por do heqim Edi Ramën para se të futemi… Ne nuk kërkojmë tjetër formë pushteti përveç përmes reformës zgjedhore.

(m.a/el.sp/e.f/er.cu/BalkanWeb)