SHKODER– Një person ka mbetur i plagosur me armë zjarri në pasditen e sotme në Shkodër. Ngjarja ka ndodhur rreth orës 16:40 në vendin e quajtur “Radio Shkodra” tek ish “5 Heronjtë”, ndërsa i plagosur ka mbetur shtetasi Adem Ademi 26 vjeç, banues në Shkodër.
26-vjeçari është plagosur në këmbë, ndërsa është transportuar në spitalin rajonal Shkodër për të marrë ndihmën e nevojshme mjekësore dhe ndodhet jashtë rrezikut për jetën.
Policia në vendngjarje ka nisur hetimet për identifikimin e autorëve dhe zbardhjen e shkaqeve të ngjarjes.
Policia ka ngritur pika kontrolli si dhe po bën krehjen e zonës, me qëllim identifikimin dhe kapjen e autorëve dhe vendosjen e tyre para drejtësisë.
(d.d/BalkanWeb)