ITALI– Personi në foto është shqiptari 28-vjeçar, Klodjan Kertalli, i cili humbi jetën ditën e djeshme në rrugët e Italisë si pasojë e një aksidenti.

Ngjarja ndodhi në San Giusto Canavese, teksa mjeti me të cilin u udhëtonte shqiptari u përplas me një furgon, raportojnë mediat italiane. Ai u dërgua në spitalin Chivasso, por nuk ka mundur t’i shpëtojë plagëve dhe ka ndërruar jetë.

Shqiptari punonte prej disa vitesh në ndërtim, ishte i martuar me bashkëshorten Besmira dhe baba i dy vajzave të vogla.

Bashkatdhetarët thotë se 28-vjecari ishte një punëtor shembullor që gëzonte respekt.

(d.d/BalkanWeb)