Finalja e Botërorit mes Francës dhe Kroacisë është përjetuar shumë edhe në Shqipëri, konkretisht në Tiranë. Tifozët janë bledhur për të shijuar emocionet e kësaj finaleje të paharrueshme në “Fan Zone” te “Sheshi Skënderbej”.

Ka patur përkrahës të të dy ekipeve, por më të shumë ishin ata të Kroacisë.

Mes tifozëve kanë qenë edhe kryetari i Bashkisë së Tiranës Erion Veliaj dhe ambasadorja e BE-së në largim Romana Vlahutin. Veliaj kishte vizatuar flamurin francez në fytyrë, në të dyja faqet, ndërsa Vlahutin e veshur me bluzën e kombëtares, si kroate që është bënte tifo për Kroacinë.