Menu Krye Të Fundit | Shqipëria |

Ish-kryeministri i Maqedonisë kërkon masa shtesë për sigurinë e tij, Qeveria e refuzon

gruevski

SHKUP– Ministria e Brendshme e Maqedonisë e ka refuzuar kërkesën e ish-kryeministrit, Nikolla Gruevski, aktualisht lider i partisë më të madhe opozitare, për ta shtuar sigurinë e tij, për shkak të një kërcënimi të paspecifikuar ndaj tij.

Ministri i brendshëm, Oliver Spasovski, tha se aktualisht 6 rojtarë personalë e mbrojnë Gruevskin dhe familjen e tij, dhe kjo mjafton.

Spasovski tha mbrëmë se truprojat e Gruevskit aktualisht nuk kanë raportuar për ndonjë kërcënim ndaj tij ose familjes së tij.

Partia WMRO-DPMNE e zotit Gruevski ka kërkuar së paku 20 truproje shtesë, “pasi është vlerësuar se ekziston nivel i lartë i kërcënimit për jetën e tij dhe për integritetin personal”, raporton agjencia AP nga Shkupi.

Ish-kryeministrat e Maqedonisë kanë të drejtë për siguri të përbërë prej gjashtë truprojave, për aq gjatë sa ishin në zyre.

Gruevski ishte kryeministër prej gushtit të vitit 2006 e deri në janar të vitit të kaluar.

(BalkanWeb)


KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .


Copy Protected by Chetan's WP-Copyprotect.