TIRANE – Një banesë private në Tiranë është përfshirë nga flakët paraditen e sotme. Zjarri ka rënë në një shtëpi në zonën e “Don Boskos”.
Zjarri ka përfshirë pjesën e sipërme të banesës. Forcat e zjarrfikëses kanë shkuar menjëherë në vendngjarje për të bërë të mundur shuarjen e flakëve.
Në momentin që ka rënë zjarr nuk ka pasur persona në banesë. Zjarri ka rënë në banesën 1-katëshe të Petrit Perës.
Njoftimi i policisë
Tiranë. Informacion paraprak. Më datë 22.09.2017, rreth orës 10:52, në Numrin e Emergjencave 112 ka ardhur një telefonatë për një zjarr të rënë në një banesë në rrugën “Teodor A’Ipen”. Në vendngjarje kanë mbërritur shërbimet e policisë dhe zjarrëfikësia, ku nga verifikimet paraparake ka rezuluar se: Në rrugën “Teodor A’Ipen” në një banesë ka rënë zjarr. Brenda në banesë nuk ndodhen njerëz. Po punohet për fikjen e zjarrit dhe zbardhjen e rrethanave dhe shkakut të rënies.
(e.f/BalkanWeb)
