Janë luajtur 6 sfidat e mbetura të mbrëmjes në “Uefa Champions League” të vlefshme për raundin e 5 të fazës së grupeve. Ashtu si çdo mbrëmje, edhe kjo e sotmja nuk ka zhgënjyer aspak sa i takon golave dhe spektaklit në fushën e lojës.
Real Madrid pas barazimit në kampionat në derbin kundër At.Madrid ka shkatërruar APOEL me rezultatin 0-6, ndërsa Napoli ka mundur thellë 3-0 Shakhtar në një takim që kishte dyfish vlerë pasi për italianët tashmë rritet mundësia për t’u kualifikuar.
Skuadrës së drejtuar nga Sarri i duhej vetëm fitorja dhe Insigne ishte i pari që zhbllokoi shifrat me një supergol në minutën e 56-t. Më pas Zielinski dhe Mertens vulosën shifrat përfundimtare të takimit.
Në takimin tjetër të këtij grupi Manchester City mposhti vetëm në minutat e fundit holandezët e Feynord. Skuadra e drejtuar nga Guardiola që e ka siguruar kualifikimin për raundin tjetër triumfoi falë golit të Stërling në të 88-n.
Renditja e Grupit F
Një ndeshje tjetër që dhuroi shumë emocione ishte edhe ajo mes Sevillia-s e Liverpul. Anglezët në minutën e 30-t të takimit e panë veten në avantazh të trefishtë duke dhënë iluzionin se gjithçka kishte përfunduar, por Sevillia u ringjall duke barazuar shifrat dhe fituar një pikë që e mban në vendin e dytë.
Rezultatet e mbrëmjes
APOEL 0 – 6 Real Madrid
23-Modriç, 39-Benzema, 41-Nacho, 45+1-Benzema, 46- Ronaldo, 54-Ronaldo
Dortmund 1 – 2 Tottenham
31-Aubameyang, 49-Kane, 76- Son Heung-Min
Manchester City 1 – 0 Feyenoord
88-Sterling
Monaco 1 – 4 RB Leipzig
6-Jmerson (autogol), 9-Werner, 31-Werner, 43-Falcao, 45-Keita
Napoli 3 – 0 Shakhtar Donetsk
56-Insigne, 81-Zielinski, 83-Mertens
Sevilla 3 – 3 Liverpool
2-Firminho, 22-Mane, 30-Firminho, 51-Ben Yedder, 59-Ben Yedder, 93-Pizarro
(e.k/BalkanWeb)