Menu Krye Të Fundit | Shqipëria |

Mariza Iknomi kundër ndërhyrjeve kirurgjikale: Më pëlqen t’i ngjaj mamit tim, jo Monica Bellucit

Mariza Ikonomi7

E ftuar në emisionin “Chic” të moderatores Fjodora Fjora këtë herë ka qenë këngëtarja e njohur e muzikës së lehtë Mariza Ikonomi. Ndoshta ka hapur një debat mes kolegeve, por Mariza është shprehur kundër ndërhyrjeve kirurgjikale.

Mariza tregon edhe për dashurinë për Francën, nga vendi ku sapo është kthyer, por gjithashtu tregon edhe për dashurinë që ka për Tiranën e cila tani e ka përfshirë të tërën. Ajo aktualisht është pjesë e spektaklit “Dancing With the Stars”, duke na zbuluar kështu edhe një pasion që ka për kërcimin. Mariza tregoi se tashmë është edhe drejtuese e një emisioni ‘Me Marizën’, një pasion të cilin se dinim që e kishte për televizionin.

“Baleti ka qenë ëndrra ime që në fëmijëri një ëndërr e parealizuar dhe kur më ftuar në Dancing With the Stars e pranova me kënaqësi. Pavarësisht se unë kërcej në çdo pub, apo në klub kur dal, të kërcesh me profesioniste është tjetër gjë, është një eksperiencë e mrekullueshme. Partnerin që kam në spektakël e kam shumë të mirë, jam e dashuruar profesionalisht me të. Më kupton shumë mirë. Kërcimin aty e shijoj shumë sidomos kur duhet të kërcejë Samba, është një antistres një kënaqësi e paparë”,- u shpreh këngëtarja siç raporton “BalkanWeb”.

-Një risi në jetën tënde profesionale është edhe në rolin e moderatores. Si të erdhi kjo dëshirë?
-Ka qenë një ëndërr që në vogëli, sepse edhe në TVSH dikur drejtoja emisione për fëmijë, por dëshiroja gjithmonë të kisha një produkt timin si në rastin e emisionit ‘Me Marizën’.
Mendoj se ekrani më shumë më ka zgjedhur se e kam zgjedhur, ose më saktë kemi zgjedhur njëri-tjetrin. Ekrani më pëlqen por kjo varet nga gjendja aktuale që ti mund të jesh, por ekrani ka një gjë që të zgjon, në momentin që ndizen kamerat ti duhet të jesh 100% për publikun dhe kjo është pikërisht magjia që unë vazhdon ta dua.

-Cilat janë planet e tua muzikore?
-Unë dua të bëj një koncert recital dhe këngët i kam gati kam 5-6 këngë të reja dhe këngë të tjera ndër vite që dua ti mbledh në një album.

-Mariza na fol pak për këngën që të hapi dyert e suksesit
-Kënga aq e njohur e kënduar me profesor Francesk Radin ishte për mua kënga që më hapi dyet.
Ishte një nder dhe privilegj i madh për mua të isha përkrah tij. Ai respektonte njerëzit që kishin talent dhe i vlerësonte ata. Kur në morëm çmim, ai më tha: Në këtë sukses Mariza ne jemi të dy.
Kënga e kënduar me profesorin do mbetet për mua kënga më e bukur që unë kam kënduar dhe ishte privilegj të punoja me të.

-E ke ndjerë ndonjëherë nevojën të ndryshosh pamjen tënde?
-E para s’kam dashur të jem simbol që të më pëlqejnë meshkujt me rëndësi është të pëlqej veten. S’kam menduar ndonjëherë të ndryshoj veten, ndjehem mirë kështu. Unë jam kjo që jam dhe ne femrat duhet të kënaqemi kështu si jemi. Më pëlqen ti ngjaj mamasë time, jo Monica Bellucit. Edhe nëse do bëj ndonjë ndërhyrje nuk mendoj të trash buzët. Më pëlqen portreti që kam edhe pse nuk jam perfekte.
(da.xha/BalkanWeb)


Komente ( 3 )