Themeluesi i Facebookut, Mark Zuckerberg, ka festuar 14-vjetorin e krijimit të rrjetit më të madh social në botë duke ndarë me miqtë dhe ndjekësit e tij një mesazh për  rrugën e bërë që nga dhoma e universitetit të Harvardit.

Në një postim në Facebook, Zuckerberg thotë se ka bërë shumë gabime, si marrëveshje të këqija, besimi tek njerëzit e gabuar dhe ka humbur hapin në disa trende të rëndësishme.

Megjithatë ai thotë se është për shkak se ne besojmë se çfarë po bëjmë ka rëndësi mjaftueshëm që të vazhdojmë të përpiqemi të zgjidhim sfidat tona më të mëdha e duke premtuar përmirësim të vazhdueshëm.

STATUSI I ZUCKERBERG
Sot është ditëlindja e 14-të e Facebook-ut.

Është një moment për të reflektuar se sa larg kemi arritur nga ajo dhoma e fjetjes në Harvard dhe sa larg kemi ende për të shkuar për ta sjellë botën më afër së bashku. Dhe është momenti për të menduar për atë që duhet të bëjmë më mirë.

Nganjëherë njerëzit më pyesin çfarë kam mësuar përgjatë rrugës. Isha 19 vjeç kur nisa Facebook, dhe nuk dija asgjë për ndërtimin e një kompanie apo shërbimin global të internetit. Gjatë viteve unë kam bërë pothuajse çdo gabim që mund të imagjinoni. Kam bërë dhjetëra gabime teknike dhe marrëveshje të këqija. Unë kam besuar njerëzit e gabuar dhe i kam vënë njerëzit e talentuar në pozicione të gabuara. Kam humbur trendet e rëndësishme dhe kam qenë i ngadalshëm ndaj të tjerëve. Unë kam nisur produktin pas produktit që dështoi.

Arsyeja që komuniteti ynë ekziston sot nuk është për shkak se kemi shmangur gabimet.

Është për shkak se ne besojmë se çfarë po bëjmë ka rëndësi mjaftueshëm që të vazhdojmë të përpiqemi të zgjidhim sfidat tona më të mëdha – duke e ditur mirë se do të dështojmë përsëri dhe përsëri, por se është e vetmja rrugë për të bërë progres.

Jemi akoma në fillim të këtij udhëtimi dhe ne do të vazhdojmë të punojmë për t’u përmirësuar. Ky objektiv ka qenë gjithmonë forca jonë, dhe pikërisht këtë vit gjithçka është rreth kësaj.

Sjellja më pranë së bashku me familjet tona dhe miqtë ka rëndësi dhe në këto 14 vjet unë jam krenar për atë që bëjmë dhe mirënjohës që jemi pjesë e diçkaje kaq domethënëse. Është një nder të jem në këtë udhëtim me ju.

(m.k/BalkanWeb)