Menu Krye Të Fundit | Shqipëria |

PS denoncon skemën: Si po blihen votat për 50 euro nga vëllai i Klement Balilit (Faksimile)

klement balili

Dega e Partisë Socialiste në Delvinë ka denoncuar sot në Polici tentativat, sipas saj të LSI-së për blerje vote.

Në faksimilet e denoncimit të siguruar nga “BalkanWeb” raportohet se “është konstatuar se në shkollën ‘Xhelal Berberi’ në lagjen Papuci, nga përfaqësues të LSI po shpërndahen para tek votuesit”.
7946e8da-da8b-4ff5-8e9e-2abe5c063ffc
Në denoncim sqarohet edhe skema se si po realizohet sipas PS-së blerja e votës për 50 euro, nga Bako Balili, vëllai i Klement Balilit i njohur ndryshe si “Eskobari i Ballkanit” i shpallur në kërkim për trafik ndërkombëtar droge.

“Ky proces bëhet duke kaluar të gjithë zgjedhësit nga një ambjent privat që shërben si lokal dhe banesë i vendosur në të djathtë. Në hyrje të lokalit votuesit priten nga persona që i ftojnë brenda për të pirë një kafe. Më pas ata ulen në një tavolinë brenda lokalit, në katin e parë dhe aty i bëhet pagesa nga shtetasi i dyshuar si Bako Balili. Pas kësaj votuesit dalin nga dera tjetër e lokalit dhe shkojnë për të votuar. Në kthim votuesit kthehen përsëri në lokalin ku kanë marrë pagesën për të treguar se ata kanë votuar”, – thuhet në denoncimin e PS-së.
(BalkanWeb)


Komente ( 5 )

KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .