*Nga Shqipëria dy kompani, 3 përfitues dhe 22 pronarë aksionesh
TIRANE – Dy kompani shqiptare janë të përfshira në skandalin e njohur si “Panama Papers”, që lidhet me fshehjen e parave që njerëzit më të fuqishëm të globit bënin në ato që quhen parajsa fiskale.

Po të klikosh pranë emrit ‘Shqipëri’ në hartën e vendeve të përfshira në këtë skandal, jepen të dhënat se nga vendi ynë janë dy kompani, 3 përfitues dhe 22 pronarë aksionesh. Emrat e tyre nuk bëhen publike në këtë hartë, teksa pritet që me zbulimin e dokumenteve të tjera, të zbulohen edhe detaje të reja në lidhje me përfshirjen edhe të vendit tonë në këtë skandal.

“Haaretz” shkruan se avokati Assaf Halkin, ka regjistruar katër kompani përmes firmës ligjore panameze. Ai ka themeluar kompaninë GFI Technologies, e regjistruar në maj të vitit 2013 në ishullin e Anguilla, në mënyrë që të investojë në kompanitë shqiptare të teknologjisë së lartë.

Halkin dhe një shqiptar tjetër i quajtur Ismail Mulleti janë pronarë të kompanisë. Ne dokumentat e Panama Papers emri i tij shkruhet Imsail Mulati, por me nje kerkim nga News24 dhe BalkanWeb, u vertetua se kompania GFI Technologies, eshte e Ismail Mulletit. Ai së bashku me një firmë kanadeze të quajtur Global Fluids International S.A. janë pronarët e kompanisë. Pjesë e kompanisë GFI Technologies eshte edhe GFI Albania, e cila mori në Shqipëri koncesionin e markimit të karburanteve nga qeveria Berisha, një kontratë 10-vjeçare që kushton 150 milionë euro.

Pikërisht në kohën kur mori koncesionin kompania rezulton të jetë regjistruar edhe në Panama pranë kabinetit Mosac Fonceca.

Referuar disa dokumenteve të QKR-së, avokati hebre Halkin dhe Ismail Mulleti rezultojnë të kenë ngritur në Shqipëri edhe kompaninë IMAH me seli në qendrën e biznesit në rrugën “Murat Toptani”. Shoqëria e themeluar në shkurt të vitit 2014 ka për administratore Entela Shehaj. Aty Ismail Mulleti dhe Assaf Halkin janë me pjesë të barabarta nga 45%.

Ismail Mulleti njihet si biznesmen dhe ndërtues në fillim të viteve 90’, por edhe si ish-aksioner i një hoteli të rëndësishëm në Tiranë.

Mulleti nuk iu përgjigj pyetje së “Haaretz.com” në lidhje me investimet e kompanisë, por komentoi se qëllimi i biznesit është për të shitur pajisje teknologjike në fushën e karburanteve dhe shtoi se të gjitha të ardhurat raportohen në organet tatimore izraelite.

Kompania ishte regjistruar me qëllim marrjen e huasë nga banka për të investuar në pasuri të paluajtshme në Evropë. Aktiviteti i kompanisë është i regjistruar pranë zyrës së taksave në Izrael.

Deri tani janë zbuluar emra të politikanëve botërorë dhe figurave publike që fshehin paratë në Panama për të shmangur detyrimet nga taksat në vendet e tyre. Plot 11 milionë emaile të zbuluara nga arkivat e kabinetit panamez Mossack Fonseca, tregojnë se si i fshehin paratë përmes shoqërive offshore, politikanët, njerëzit e krimit, sportistët dhe miliarderët që duan t’i fshihen taksave.

Sipas gazetës gjermane “Süddeutsche Zeitung” që ka nisur këtë investigim, në rrjetën e këtyre dokumenteve sekrete të zbuluara kanë rënë deri më tani presidenti Rus Vladimir Putin, kryeministri islandez Sigmundur David Gunnlaugsson, babai i kryeministrit britanik David Cameron, mbreti Saudit, mbreti i Marokut Hasani i dytë, Presidenti i Agjentinës, presidenti i Azerbaixhanit Alijev, presidenti Ukrainas Poroshenko, ish shefi u UEFA-s Michel Platini apo futbollisti Lionel Mesi. Qindra janë emrat e njerëzve të shquar nga vendet kryesore të botës. Me shumë gjase lista do të vijë duke e zgjatur shume shpejt.

Për këtë në projekt janë përfshirë 106 media në mbarë botën dhe së bashku me to plot 370 gazetarë në Francë, Gjermani, Indi Rusi, Japoni, ShBA, Brazil Svicër.
Sipas gazetarëve, deri tani në skandal figurojnë emrat e 128 personaliteteve politike të planit të parë në mbarë botën dhe 29 prej 500 njerzve më të pasur në botë, sipas klasifikimit të Forbes.
(er.nu/ma.ar/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: