Projektligji i mazhorancës për amnistinë është bërë temë debatin në seancën e sotme plenare.

Deputeti i opozitës së re, Myslim Murrizi, ka ironizuar me këtë ligj, duke thënë se “Po doli ‘Zogu’ dhe mori kasetat, do shkojë te zogjtë tjerë dhe e dini që do iu bëjë të gjithëve zogj.

Nuk e shoh të moralshme që një njeri të dalë nga burgu. 6 muaj propagandë se gjoja po bëni amnisti”.

Ndërkohë, pas tij kanë reaguar menjëherë deputetët socialistë, Ulsi Manja dhe Taulant Balla, të cilët kanë thënë që ligji për amnistinë duhet të votohet.

Manja: Amnisti kërkon vullnet më të gjerë në Kushtetutë. Unë nuk anatemova asnjë koleg të opozitës për lidhje me krimin dhe sa të jem në këtë sallë nuk do të anatemoj asnjë nga opozita apo mazhoranca.

Balla: Nëse doni të ndërmerrni ju një iniciativë tjetër për të bërë një amnisti, Kuvendi me 84 vota duhet të mblidhet e ta diskutojë. Duhet t’iu them në emër të shumicës, ka pasur amendamente që mund të ishin përfshirë. Kuvendi në një rast tjetër të dytë ka të gjitha hapësirat për ta bërë. Ato përfitues ta përfitojnë një orë e më parë dhe sa herë janë votuar aktet e amnistisë në Kuvend ka pasur mirëkuptim.

(BalkanWeb)