Ambasadori i BE-së në vendin tonë, Luigi Soreca ka publikuar fotot nga vizita e tij në Belsh ku u takua me kryetarin e bashkisë Arif Tafani dhe përfaqësues të bizneseve që kanë përfituar nga rrugët lokale të rindërtuara me fonde të Bashkimit Evropian.
Zyra e delegacionit të BE-së në Tiranë përbri fotove shkruan për mrekullitë e Belshit. “I njohur si qyteti i 85 liqeneve, Belshi është thesari i fshehur që pret të zbulohet nga qytetarët shqiptarë dhe turistët e huaj.
Bashkimi Evropian është i pranishëm në Belsh përmes investimeve të tij në rrugët lokale dhe Këndit të BE-së në bashki, ku qytetarët, të rinjtë, fermerët dhe bizneset mund të marrin informacione për programe të ndryshme të BE-së”.