Vijon prej 4-ditësh zjarri në Malin e Tomorrit. Era e madhe e mbrëmjes së djeshme dhe temperaturat e larta kanë bërë që zjarri të përhapet edhe më shumë.

Terreni shumë i vështirë malor ka vështirësuar mjaft punën e punonjësve zjarrëfikës për lokalizimin e zjarrit, ndërkohë që sot në ndihmë të zjarrëfikësve kanë mbërritur edhe forcat e ushtrisë.

Dy helikopterë kanë kryer gjatë ditës së sotme 24 hedhje uji nga lartësia në të dyja vatrat e zjarrit dhe janë duke vazhduar sërish por edhe kjo nuk ka mjaftuar që të neutralizohen vatrat e zjarrit që përhapen me shpejtësi nga era.

Burimet zyrtare nga Reparti Zjarrëfikës dhe ADZM konfirmojnë se deri më tabi janë djegur rreth 20 hektar pyllë me pisha.

(BalkanWeb)