Disfata ndaj Kukësit ishte e rëndë, në një ndeshje të vetme, Vllaznia humbi jo vetëm tre pikët por humbi jo pak edhe nga imazhi i një ekipi të pandalshëm dhe favorit. Në Shkodër dëshirojnë ta harrojnë sa më shpejt atë disfatë pasi kalendari i rezervon menjëherë një tjetër sfidë shumë të madhe, Tiranën, një rival të përjetshëm që i sfidon në “Loro Boriçi” si kryesues. Kjo është ndeshja ideale për tu rikthyer edhe një herë fuqishëm në garë por trajneri Brdaric është i vetëdijshëm se kjo është një sfidë me një koeficient shumë të lartë vështirësie:

Ndeshja ndaj Tiranës – “Është një ndeshje e veçantë, jemi të përgatitur për këtë ndeshje të madhe. Do të luajmë kundër Tiranës e cila është një skuadër me përvojë, momentalisht janë dhe në vendin e parë në Kategorinë Superiore. Duhet të japim më të mirën tonë që ndeshja të shkojë pozitivisht për ne. Fillimisht duhet të jemi realist, mendoj se mënyra sesi funksionon ekipi im dhe i gjithë klubi duhet të mbajmë rezultatin që të marrim rezultatin më të mirë të mundshëm dhe jemi të motivuar vetëm për fitore.”

Vllaznia – “Që nga dita e parë deri tani jemi duke ndërtuar Vllazninë, dhe kur shoh sesi punojnë lojtarët e mi jam krenar dhe them se do të jetë një ndeshje shumë e mirë. Në futboll gjërat janë shumë të afërta me njëra-tjetrën, ne humbën në fillim shumë mundësi të mira për të shënuar.”

Ndeshja ndaj Kukësit – “Me Kukësin ishte një ndeshje që mund të fitohej dhe nga ne, por do të na shërbejë dhe si mësim për në vazhdim. Tani përqendrimin e kemi tek sfida e nesërme e cila do të jetë e rëndësishme për ne dhe do të kërkojmë që të marrim maksimumin.”

Sistemi i lojës – “Baza jonë është që çdo kush duhet të mbrojë, por ideja jonë e lojës është sesi të shënojmë dhe synimi im në çdo ndeshje është që ekipi të jetë i balancuar. Në disa raste të caktuara varion sesi vendosemi taktikisht në fushë, dhe nesër duhet të kontrollojmë emocionet dhe ti kemi në anën tonë. Të implementojmë atë që dimë të bëjmë taktikisht dhe të jemi të vëmendshëm që çdo gjë të jetë në favorin tonë. Duhet të mbrojmë të gjithë së bashku, kemi punuar edhe për pjesën sesi duhet të bëjmë presing në zona të caktuara.”

Grupi i Vllaznisë – “Jemi përgatitur për këtë ndeshje në anën sulmuese, në fizike dhe anë atë mentale, duhet të jemi një ekip nesër që duhet të jemi trima sepse Superiorja është një kampionat i vështirë dhe ta përballojmë në mënyrën më perfekt të mundshme.”

Gurishta – “Gurishta është një lojtar i rëndësishëm për ne, por dikush duhet ta zëvendësojë nesër dhe shpresoj që ai të përkushtohet në mënyrën më të mirë të mundshme që të japë dhe paraqitje sa më të mirë. Duhet të jemi të qartë në atë që duhet të bëjmë, duhet ta shijojmë futbollin.”

Krymi – “Po, Krymi do të luajë nesër.”

Synimi – “Ne luajmë një futboll pak ndryshe nga klubet e tjera të Superiores dhe për këtë duhet të jemi më ritmik në fushën e lojës, duhet të hedhim topa në zonën e rreptësisë që të realizojmë dhe të fitojmë. Synimi është që të fitojmë çdo ndeshje dhe normalisht që është një ndihme e madhe për tifozët tanë që do të vijnë për të na mbështetur për të krijuar një atmosferë mjaft të mirë dhe pastaj puna jonë do të jetë në fushë në mënyrë që të jemi të përqendruar maksimalisht aty për të marrë fitoren ndaj Tiranës.”, përfundoi Thomas Brdariç.