Një tjetër anije detare ruse është në flakë në Detin e Zi, deklaroi Ukraina.
Një anije mbështetëse ruse, “Vsevolod Bobrov”, po tërhiqej në Sevastopol nga zona e ishullit të gjarpërinjve pasi mori flakë, sipas Serhii Bratchuk, zëdhënës i Administratës Ushtarake Rajonale të Odesës, shkruan CNN.
Russia lost another ship in the Black Sea.
According to my sources, the ship was hit and a fire broke out.
It is brand new auxiliary ship of project 23120 Vsevolod Bobrov#UkraineUnderAttaсk pic.twitter.com/m28vAAra8a— Anton Gerashchenko (@Gerashchenko_en) May 12, 2022
Anton Gerashchenko, këshilltar i Ministrisë së Jashtme të Ukrainës publikoi foto të anijes.
“Rusia humbi një tjetër anije në Detin e Zi. Sipas burimeve të mia, anija është goditur dhe një zjarr shpërtheu. Është anija e re ndihmëse e projektit 23120 Vsevolod Bobrov”, shkroi Gerashchenko.
Sipas inteligjencës ushtarake ukrainase, VSEVOLOD BOBROV pësoi zjarr të madh, një pjesë ose e gjithë ekuipazhi u evakuuan, por anija nuk u fundos, ajo u dërgua përsëri në Sevastopol – baza e Marinës ruse të Detit të Zi.
Lajmet nuk konfirmohen, Rusia nuk e konfirmon apo përgënjeshtron lajmin. Ashtu si me fregatën ADMIRAL MAKAROV, historia mbetet një mister, deri më tani. Por me shumë mundësi, diçka – një aksident i madh – ka ndodhur vërtet, por do të duhet mjaft kohë për të zbuluar të vërtetën.
