Ervin Salianji, ish-deputet i PD, pas lirimit nga burgu, deklaroi se në Shqipëri nuk ka zgjedhje të lira. Ai tha se Partia Demokratike duhet të gjejë mënyra për të larguar qeverinë e Edi Ramës.
Salianji shtoi se çdo proces zgjedhor është farsë dhe i manipuluar. Salianji theksoi se nuk mjafton denoncimi, por duhet veprim konkret për rrëzimin e regjimit.
Ervin Salianji, ish-deputeti i PD-së në konferencë për mediat pasi u lirua nga burgu: Në Shqipëri nuk ka zgjedhje të lira. PD duhet të gjejë zgjidhje sesi të largojë regjimin. Të thuash farsë elektorale për 11 majin është pak. Në çdo palë zgjedhje ne përballemi me situatë të njëjtë. Ne nuk mund të presim që Edi Rama të reflektojë. PD, por sidomos anëtarët e Partisë Demokratike dhe shqiptarët që presin ndryshim, duhet të gjejmë zgjidhje, me cilën formë do largojmë Edi Ramën dhe qeverinë e tij të korruptuar.
Ne duhet të gjejmë zgjidhje sesi të largohet qeveria. Partia Demokratike po bën mirë në denoncimin e zgjedhjeve të deformuara. Ne duhet të fokusohemi shumë tek gjetja e zgjidhjeve, nuk besoj se ka shqiptarë në Shqipëri se beson se ka zgjedhje të lira e të ndershme dhe denoncimin në këtë aspekt, e kanë bërë mirë kolegët e Partisë Demokratike. Të gjejmë zgjidhje sesi të rrëzojmë një regjim. Regjimi ka edhe para që vijnë nga korrupsioni.
(BalkanWeb)
