Një aksident ka ndodhur në aksin rrugor “Tri Ura” në Lushnje. Mësohet se një kalë i ka dalë përpara automjetit tip BMW dhe përplasja ka qenë e pashmangshme.

Edhe në kushtet e errësirës shoferi i automjetit e ka pasur të pamundur të manovronte edhe për shkak se kafsha i ka dalë papritmas.

Ndërkohë bashkëshortja e drejtuesit të automjetit është lënduar dhe për pasojë është transportuar menjëherë në spital ku edhe po merr trajtim mjekësor. Policia ndodhet në vendin e ngjarjes dhe po punon për zbardhjen e plotë të shkaqeve të aksidentit.

Ndërsa raportohet se si pasojë e përplasjes kafsha ka ngordhur.

Në kushtet e errësirës ky aks rrugor nacional që lidh Lushnjen me anë të autostradës me pjesën e Grabjanit dhe Çermës është tepër i rrezikshëm.