Situata në pikën kufitare të Qafë Thanë paraqitet e rënduar edhe për drejtuesit e kamionëve, të cilët prej disa ditësh presin në radhë për të kaluar kufirin. Sipas disa kamionistëve turq, ata kanë dy deri në tre ditë që qëndrojnë të bllokuar, në pritje të lëvizjes së kolonës.

Ata shprehen se janë përballur me mungesë ushqimi, uji dhe kushte bazike, ndërsa situata bëhet edhe më e vështirë për shkak të qëndrimit të zgjatur në kabinat e kamionëve. Shumë prej tyre theksojnë se kanë familje dhe fëmijë që i presin në shtëpi, ndërsa vonesat e gjata u shtojnë stresin dhe pasigurinë.

“Kemi rreth 1 javë që presim. Na vjen keq por kemi familje. Unë kam 1 fëmijë 2 vjeç. Dmth fiks u bënë 4 ditë dhe po na mbaron ushqimi, uji, e me sa di unë edhe 1 vakt kam e më pas do pi dhe kafen e fundit. Rrimë shtrirë brënda në kamion por edhe nafta po na mbaron, duhet të ikim poshtë të marrim naftë. Të presësh në këto kushte është e vështirë. Nga këtu do ikim në Durrës e me lejën e Zotit dalim nga Shqipëria sa të hapet rruga”, thotë njëri pej tyre.

Në kushte të improvizuara, një prej kamionistëve turq është parë duke gatuar pranë mjetit të tij, mes kamionëve të rreshtuar, duke u përpjekur të sigurojë një vakt të ngrohtë pas orëve të gjata të pritjes.

“U bë kaq kohë presim, kemi që të djelën po presim këtu, koha është e ftohtë. Duhet të hapet rruga që të çojmë ngarkesën. Po na mbaron ushqimi, sot me sa shoh është vakti i fundit se na mbaroi edhe buka edhe uji.
Pyetje: sa mall keni?
Përgjigje. Atë nuk e di unë e di firma. Ne kemi problem të madh sa të na hapet rruga e të ikim”, shprehet një tjetër.

Pamjet tregojnë vështirësitë me të cilat po përballen drejtuesit e mjeteve të tonazhit të rëndë, ndërsa radha vijon të lëvizë me ritme të ngadalta. rënduar edhe për drejtuesit e kamionëve, të cilët prej disa ditësh presin në radhë për të kaluar kufirin. Sipas disa kamionistëve turq, ata kanë dy deri në tre ditë që qëndrojnë të bllokuar, në pritje të lëvizjes.