Departamenti Amerikan i Shtetit njoftoi se një fluturim çarter me qytetarë amerikanë është nisur nga Lindja e Mesme drejt Shteteve të Bashkuara, në kuadër të përpjekjeve të vazhdueshme për të ndihmuar amerikanët të kthehen në vend.

Sipas një njoftimi zyrtar të publikuar më 4 mars 2026 nga Zyra e Departamentit të Shtetit, fluturimi është pjesë e operacioneve të organizuara për transportimin e shtetasve amerikanë që ndodhen në rajon.

Autoritetet amerikane bëjnë të ditur se fluturime të tjera pritet të organizohen në ditët në vijim në vende të ndryshme të Lindjes së Mesme.

Qytetarët amerikanë që ndodhen në Emiratet e Bashkuara Arabe, Katar, Arabinë Saudite dhe Izrael, dhe që janë të interesuar për fluturimet çarter ose për opsione transporti tokësor, duhet të plotësojnë formularin e emergjencës në faqen zyrtare të Departamentit të Shtetit ose të kontaktojnë linjën e posaçme 24 orë në ditë. Zyrtarët amerikanë theksuan se, për arsye sigurie operacionale, në këtë fazë nuk do të publikohen detaje të tjera lidhur me operacionet e transportit që janë ende në zhvillim.

NJOFTIMI
Sot, një fluturim çarter i Departamentit të Shtetit me qytetarë amerikanë u nis nga Lindja e Mesme drejt Shteteve të Bashkuara, si pjesë e përpjekjeve tona të vazhdueshme për të ndihmuar amerikanët të kthehen në shtëpi. Fluturime të tjera do të shtohen në të gjithë rajonin.

Qytetarët amerikanë në Emiratet e Bashkuara Arabe, Katar, Arabinë Saudite dhe Izrael, të interesuar për fluturimin çarter të Departamentit ose për opsionet e transportit tokësor, duhet të plotësojnë Formularin e Regjistrimit për Kriza në mytravel.state.gov/s/crisis-intake ose të kontaktojnë Task Forcën 24/7 të Departamentit të Shtetit në +1-202-501-4444.

Për arsye të sigurisë operacionale, informacione të tjera lidhur me operacionet e transportit që janë në vazhdim nuk do të publikohen në këtë moment.