Ndikimi i Jutta Leerdam, patinatores holandeze që fitoi dy medalje në Lojërat Olimpike Dimërore “Milano Cortina 2026”, është dëshmuar jo vetëm nga shtrirja e publikimeve të saj në rrjetet sociale.
Kampionia olimpike në garën e 1.000 metrave në patinazh të shpejtësisë zuri vendin e parë në ankandin e organizuar me veshje të dhuruara nga anëtarët e ekipit holandez në këtë event dimëror. Leerdam dhuroi kostumin e saj të garës në platformën “MatchWornShirt”, si edhe xhaketën që mbante gjatë ceremonisë së ndarjes së medaljeve dhe një shirit koke.
Kostumi u shit për 195.000 euro, shuma më e lartë e arritur nga ndonjë prej objekteve në ankand. Kostumi i Femke Kok, fituese e arit në 1.500 metra, u shit për 4.802 euro. Xhaketa me të cilën mori medaljen e artë dhe të argjendtë (në 500 metra), gjithashtu e firmosur nga vetë patinatorja, arriti vlerën 4.826 euro.
Shiriti i flokëve u shit për më shumë se 1.300 euro. Synimi i Leerdam është që këto të ardhura t’i dhurojë për “De Ijsvereniging”, klubin e patinazhit në qytetin Pijnacker, ku ajo hodhi hapat e parë në këtë sport.
