Ulsi Manja, në mbledhjen e grupit parlamentar të Partisë Socialiste, foli mes të tjerash në lidhje me deklarimin e SPAK se Belinda Balluku ka kërcënuar dëshmitarët.

Ai u shpreh se në relacionin e prezantuar nga Prokuroria e Posaçme nuk ka asnjë fakt që dëshmon këtë pretendim, ndërsa shtoi se nuk ka fakte as që janë përdorur as “të fortët” dhe pjesëtarë të kabinetit të saj.

Ulsi Manja: Prishje provash, shkaku ra sepse Balluku nuk është më në detyrë. Sot nuk ka një akuzë për pengim të drejtësisë. Nuk ka asnjë indikim se Balluku ka përdorur ndikimin e saj për të prishur provat. Na u paraqit një procesverbal ku dy shtetase bisedojnë me njëra tjetrën lidhur me dëshminë që njëra nga këto shtetase dha në SPAK mbi hetimin. Ajo pretendon se kjo dëshmitare është intimiduar. Kjo nuk rezulton as nga procesverbali pas nga dëshmia, që të jetë kërcënuar nga Balluku apo kabineti i saj i cili është opsion abstrakt.

Lidhur me dëshmitaren, është me rëndësi ta them, ajo ka statusin e të pandehur në procedim, dhe sipas Kodit të Procedurës Penale, thëniet e saj merren me rezervë. Nuk mban përgjegjësi për deklarimet e saj