Ministri i Jashtëm i Gjermanisë thotë se është e rëndësishme që vendet e NATO-s të zhvillojnë një qëndrim të përbashkët me SHBA-në për Iranin.
Johann Wadephul deklaroi se Mbretëria e Bashkuar dhe Franca ndajnë të njëjtin qëndrim përpara bisedimeve të planifikuara me Sekretarin e Shtetit të SHBA-së Marco Rubio në një takim të ministrave të jashtëm të G7 pranë Parisit të premten, raporton agjencia e lajmeve Reuters.
Presidenti Trump vazhdon të kritikojë refuzimin e vendeve të NATO-s për t’u përfshirë në konflikt, ndërsa në të njëjtën kohë thotë se SHBA-të nuk kanë nevojë për to.
Më parë, shefja e politikës së jashtme të BE-së, Kaja Kallas, akuzoi Rusinë se po ndihmon Iranin me inteligjencë për të “shënjestruar amerikanët, për të vrarë amerikanë” dhe për t’i mbështetur ata me dronë në Lindjen e Mesme, sipas agjencisë së lajmeve AFP.
Ajo u tha gazetarëve në takimin e G7 në Francë se lufta Rusi-Ukrainë dhe lufta SHBA-Izrael me Iranin “janë shumë të ndërlidhura”, duke shtuar se nëse Shtetet e Bashkuara duan të ndalojnë luftën në Lindjen e Mesme “ato duhet të ushtrojnë presion edhe mbi Rusinë”.
