Kryeministri i Maltës, Robert Abela, njoftoi në një postim në rrjetet e tij sociale zgjedhje të parakohshme parlamentare më 30 maj, disa muaj para përfundimit të mandatit të tij pesëvjeçar.

Konkretisht, kryeministri 48-vjeçar njoftoi se i ka kërkuar Presidentit të Maltës të shpërndajë parlamentin dhe se do të kandidojë për një mandat të tretë radhazi , duke premtuar “stabilitet” në një mjedis të trazuar ndërkombëtar, veçanërisht në mes të konfliktit në Iran.

“Vendi ynë ka nevojë për një qeveri të zgjedhur me një mandat të ri të përqendruar vetëm në nevojat e vendit duke pasur parasysh të gjitha sfidat që ekzistojnë në mjedisin në të cilin ndodhemi dhe muajt e ardhshëm do të jenë kritikë”, tha ai.

Pasi iu referua krizës energjitike të lidhur me luftën në Lindjen e Mesme, kryeministri maltez tha se dëshiron të vazhdojë të ” sigurojë stabilitetin e nevojshëm, pavarësisht evolucionit të situatës ndërkombëtare “.

Partia Laburiste po kërkon të sigurojë një fitore të katërt radhazi.

Në opozitë, udhëheqësi i ri i Partisë Nacionaliste (konservatore), Alex Borg, do të përballet me provën e tij të parë zgjedhore.