Një sulm me zjarrvënie është regjistruar në orët e para të së enjtes në Peristeri, duke vënë në shënjestër një shkollë artesh marciale.

Sipas informacioneve paraprake, ngjarja ka ndodhur rreth orës 03:15 të mëngjesit, në një ndërtesë të vendosur në rrugën Ethnarchou Makariou, ku operon një shkollë e Tae Kwon Do.

Në vendngjarje janë gjetur disa shishe plastike që përmbanin lëndë të ndezshme, si dhe një tjetër shishe me fitil, çka tregon për një sulm të qëllimshëm.

Zjarri i shkaktuar ka dëmtuar ambientet e biznesit, ndërsa fatmirësisht nuk raportohet për persona të lënduar. Autoritetet kanë nisur hetimet për identifikimin e autorëve dhe zbardhjen e plotë të rrethanave të ngjarjes.