Të paktën dy persona kanë humbur jetën dhe 37 të tjerë janë plagosur pasi një kamion u përplas me një turmë spektatorësh gjatë një gare ekspozite në qytetin Popayán, në jug të Kolumbisë.

Sipas autoriteteve lokale, aksidenti ndodhi kur automjeti konkurrues kaloi një pengesë gjatë demonstrimit, por më pas nuk arriti të frenojë në kohë, duke dalë nga kontrolli dhe duke u përplasur me spektatorët e pranishëm.

Pamjet e publikuara në rrjetet sociale, të shpërndara nga media ndërkombëtare, tregojnë momentin dramatik të përplasjes. Megjithatë, agjencia Reuters bëri të ditur se nuk ka mundur të verifikojë në mënyrë të pavarur autenticitetin e këtyre videove.

Autoritetet në Popayán konfirmuan se mes viktimave është edhe një vajzë 10-vjeçare, ndërsa të plagosurit janë transportuar në spitalet e zonës për trajtim mjekësor.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb