Inter Milan u shpall kampion i Serie A, duke kurorëzuar një sezon të suksesshëm. Festa zyrtare e titullit do të mbahet pas ndeshjes së fundit të sezonit në shtëpi, përballë Hellas Verona, takim ky që do të luhet të dielën, më 17 maj, në orën 15:00.
Atmosfera në stadium pritet të jetë elektrizuese, me tifozët që do të kenë mundësinë të festojnë së bashku me skuadrën, triumfin e shumëpritur. Festa do të përfshijë ceremoninë e ngritjes së trofeut, si dhe aktivitete të tjera festive që do të shënojnë këtë sukses të madh.
Ndryshe nga tradita e viteve të kaluara, këtë herë autobusi me lojtarët nuk do të nisë nga stadiumi pas përfundimit të ndeshjes, por do të organizohet një itinerar i veçantë që fillon direkt nga Viale della Liberazione, aty ku do të luhet edhe përballja me Veronën.
Në këtë mënyrë, tifozët do të kenë një mundësi më të mirë për të parë nga afër lojtarët gjatë kalimit të tyre në rrugët kryesore të Milanos, përpara momentit kulmor të festës në Piazza del Duomo.
