Kreu i PD Sali Berisha deklaroi se çështja e Belinda Ballukut është një çështje që sipas tij, për opozitën nuk do të mbyllet kurrë dhe se do të vazhdojnë me denoncimet.

Gjatë fjalës së tij Berisha shtoi se Kryeministri Edi Rama bëri avokati për dosjen e AKSHI-t, të cilën e quan më korruptiven.

“Çështjen Balluku-Rama në raport me SPAK e ka mbyllur përfundimisht, por në raport me opozitën nuk do e mbyllë kurrë. Ajo është një çështje që nuk mbyllet kurrë. AKSHI është hetim i pashpresë. Edi Rama ka marrë përsipër avokatinë publike të hapur ndaj AKSHI-t.  Ju mos harroni përgjërimet e tij për Mirlindën e gjorë që ka vjedhur dhjetëra mln euro të qytetarëve. Mos harroni, kocka më fuqishme mafioze e Shqipërisë dhe europës Gys Agasi, i ati i tij shpallet fisniku i PS në Durrës, nderohet. Ishte dhe ndrikulla Sako në dekorim dhe ishte mesazh për Prokurorinë që mos guxoni të vazhdoni hetimet”, tha ai.