Është shtyrë seanca gjyqësore e parashikuar për ditën e sotme ndaj shtetasve Fatime Kryemadhi, Ema Çoku dhe Piro Xhixho.

Shkak për këtë vendim është bërë mungesa e dy avokatëve mbrojtës të Piro Xhixhos, të cilët nuk ishin të pranishëm në sallën e gjyqit. Pas konstatimit të mungesave, trupi gjykues vendosi që seanca e radhës të zhvillohet më datë 15 qershor.

Në dalje të institucionit të drejtësisë, Fatime Kryemadhi dha një deklaratë të shkurtër për mediat e pranishme, ku hodhi akuza mbi mënyrën se si po procedohet me çështjen e saj. Ajo theksoi se autoritetet nuk kanë kryer asnjë verifikim apo ekspertizë financiare zyrtare lidhur me pasurinë dhe burimin e parave të saj.

Kryemadhi u shpreh para gazetarëve se pikërisht kjo do të jetë edhe kërkesa e saj kryesore në përballjen e radhës me drejtësinë, duke deklaruar se ata nuk kanë bërë asnjë ekspertizë për të ardhurat e saj.