Njëri prej protestuesve, i cili pas marshimit në Rinas dy ditë më parë u procedua në gjendje të lirë ka bërë në shesh një propozim për vijimin e protestës.

I riu deklaroi se propozon që vijimi të votohet në shesh nga studentët dhe t’i tregohet botës se dinë të numërojnë votat dhe jo si politikanët që i vjedhin.

Ndërsa sa i përket marshimit ai tha se ata që marshuan ishin të moshave të ndryshme dhe treguan pakënaqësi me faktin që bënë kilometra të tëra deri në orën 02:00 të mëngjesit.

“Po procedohemi në gjendje të lirë për marshimin e dy ditëve më parë. Ka shumë mësime që duhet të nxirren nga ai marshim pasi u tha se populli se u mashtrua, u mashtrua por nga ju.

Populli marshoi deri në orën 02:00, kishte gjyshe, vajza, djem, burra që vendosën të marshonin, iu ka ardhur në majë të hundës me këtë qeveri.

Ka njerëz që thonë se fonia duhet të hiqet, por mendoj se do të zbehet protesta pasi prezenca e mediave duhet të jetë e fortë.

Duhet të votojmë dhe studentët të vendosin sesi do të zhvillohet protesta. Të kalojmë një kuti dhe me letra me shkrim të vendosim.

Bota habitet sesi 100 mijë veta lëvizin pa shqetësuar askënd, t’i tregojmë botës se dimë të numërojmë votat”.