Ish-drejtuesi i lartë i Policisë së Shtetit, Mit’hat Havari, ishte edhe sot pjesë e protestës që po zhvillohet për të 32-tën ditë radhazi para Kryeministrisë.

Ai e cilësoi si të pajustifikueshme dhunën e ushtruar, sipas tij, nga policia gjatë protestës së djeshme para Kuvendit, ndërsa shtoi se vetë efektivët e Policisë janë ndër shtresat më të keqtrajtuara gjatë viteve të tranzicionit.

Dhuna e policisë ishte joproporcionale, një dhunë e pajustifikueshme. Ne kemi parë rastin e George Bush-it, kur dikush e goditi me këpucë dhe asgjë nuk ndodhi. Këta që janë këtu nuk janë ata që hedhin molotovë.

Momentalisht situata është e tillë sa një rezervuar me ujë: nëse derdhet një pikë, nuk ka më gjë që e ndal. I di vështirësitë e policisë. Është institucioni më i diskriminuar dhe më i keqpërdorur, i trajtuar si skllevër.

Në 36 vite janë vrarë 300 policë, bij nënash, për këta bastardë. Studentët e Akademisë së Policisë janë helmuar dy herë nga tenderët e korrupsionit.
Populli thotë se peshku qelbet nga koka. Rama në burg, Berisha në burg! Rroftë demokracia, liria dhe Shqipëria”, tha ai.