Gjatë zhvillimit të protestës përpara godinës së Kryeministrisë, është shënuar një moment i veçantë që ka përcjellë një mesazh të fortë qytetarie mes turmës së grumbulluar dhe shërbimeve të emergjencës mjekësore.

Teksa përballë Kryeministrisë vijonin fjalimet dhe thirrjet e qytetarëve, pranë hapësirës ku zhvillohej tubimi u dëgjuan sirenave të një automjeti të ndihmës së shpejtë.

Pavarësisht dendësisë së turmës dhe tensioneve politike të sheshit, protestuesit reaguan me shpejtësi absolute, duke u zhvendosur mënjanë dhe duke hapur një korridor të gjerë kalimi për makinën e urgjencës.

Lëvizja e koordinuar e qytetarëve bëri të mundur që ambulanca të përshkonte bulevardin pa asnjë pengesë apo vonesë. Ky veprim u cilësua nga të pranishmit si një “leksion i vërtetë qytetarie”, duke treguar se përtej kauzave politike dhe protestës, prioriteti absolut i qytetarëve mbetet mbrojtja e jetës dhe ndihma ndaj çdo urgjence mjekësore.