Një zjarr shpërtheu në një rafineri nafte në rajonin e Leningradit, në veriperëndim të Rusisë, pas rrëzimit të një droni ukrainas, njoftuan autoritetet ruse në orët e para të së hënës.
Guvernatori i Leningradit, Alexander Drozdenko, tha se zjarri u shkaktua pas rrëzimit të një droni pranë rafinerisë dhe se ekipet e emergjencës ndodheshin në vendngjarje. Deri tani nuk është raportuar për persona të lënduar.
Sipas raportimeve paraprake, objekti i prekur është rafineria “Kirishinefteorgsintez” në Kirishi, një prej impianteve të rëndësishme të përpunimit të naftës në rajon. Drozdenko deklaroi gjithashtu se 42 dronë u rrëzuan në rajonin e Leningradit, ndërsa operacionet e mbrojtjes ajrore vijonin. Sulmet ukrainase ndaj infrastrukturës energjetike ruse janë intensifikuar muajt e fundit, në kuadër të përpjekjeve të Kievit për të goditur objektet që mbështesin ekonominë dhe makinerinë luftarake të Rusisë.
🔥 The "Kirishinefteorgsintez" oil refinery in Kirishi, Leningrad Oblast, Russia, has been attacked.
Preliminary reports indicate that the affected area includes critical facilities such as L-35-11/1000, LCh-35-11/600, LCh-35-11/600, AT-1,and the LCh-24-9/2000 hydrotreating unit pic.twitter.com/ZMBDCEGNrO— Vijesti (@Vijesti11111) August 30, 2026
