Rebelët Huthi të Jemenit kanë marrë përgjegjësinë për sulmet ndaj Aeroportit Ndërkombëtar të Riadit dhe Aeroportit të Dammamit, si dhe ndaj objekteve të kompanisë saudite të naftës Saudi Aramco, në Arabinë Saudite.

Sulmet në aeroportet e Riadit dhe Dammamit u raportuan gjatë ditëve të fundit, ndërsa autoritetet saudite njoftuan se nga sulmi i sotëm në aeroportin e Riadit ka edhe persona të plagosur. Deri më tani, nuk është bërë i ditur numri i saktë i tyre.

Ndërkohë, Ambasada e Indisë njoftoi se një shtetas indian, i cili ishte plagosur në sulmin e djeshëm me raketa në aeroportin e Riadit, ka ndërruar jetë sot si pasojë e plagëve të marra. Me vdekjen e tij, numri i viktimave nga sulmi ka shkuar në 13.

Sipas Al Jazeera, 309 persona u plagosën nga sulmi me raketa ndaj Aeroportit Ndërkombëtar King Khalid në Riad.