Forcat ruse kanë sulmuar gjatë natës qendrën e qytetit të Balakliyas, në rajonin e Kharkivit, në Ukrainë, duke plagosur tre persona dhe shkaktuar dëme materiale.

Lajmi është bërë i ditur nga kreu i administratës ushtarake lokale, Vitaly Karabanov, i cituar nga media ukrainase “Ukrainska Pravda”.

Sipas tij, nga sulmi janë dëmtuar disa ndërtesa banimi, si dhe një institucion kulturor në qendër të qytetit. Tre persona kanë mbetur të plagosur, ndërsa nuk janë dhënë detaje të mëtejshme mbi gjendjen e tyre shëndetësore apo shkallën e dëmeve.

Sulmi vjen në vijim të goditjeve të vazhdueshme ruse ndaj zonave të banuara dhe infrastrukturës në rajonin e Kharkivit, në lindje të Ukrainës.